11 maeter HellingTrekke op zondaag 2 maart 2025
Ein nieje aktiviteit op vastelaoveszondaag in ’t centrum van Bliërick.
Op de Helling beej brasserie Sur Meuse gaon teams HellingTrekke. Ein ludieke aktiviteit die zoéwaal veur deilnemers as kiékers ein spektakel belaof te waere. Teams bestaon oét 4 persoéne. Um mei te doon môsse dich aanmelde. Mit ein startbewiés kinse deilneme. De offisjele äöpening is um 17.15 oor.
Waorum se dit neet wils misse?
✓ Op ein historische en unieke plek in centrum Bliërick
✓ Eine sjieke 1ste priés veur 't winnende team
✓ Ein ludieke aktiviteit metein nao d'n Groëte optoch
✓ 11 teams doon mei, wao-onder de prins en de Nar 2025
✓ D'r zien lokale artieste, 'nne plaetjesdreier en ein joekskapel
✓ De entree is gratis, want 't is oppe straot
Meld dich aan mit 4 persoëne
*Weej gebroéke dees gegaeves allein veur de organisatie van ’t HellingTrekke 2025
Good um te weite
We organisere dees aktiviteit umdet de Wortelepin 7×11 jaor besteit in 2025. Auk De 3-kes ondersteunt dees ludieke aktiviteit. ’t Trio 2025 en de Groët Venloosche Nar zulle dan auk deilneme aan ’t HellingTrekke.
De bedoeling is desse mit 4 persoéne op ein skippyslang zoé snel meugelik nao de bel geis. Die hangt 11 maeter vaerderop. ’t Team mit de snelste tiéd is de winnaer. De iërste priés wuurt beschikbaar gesteld door verkiérsschoël Ruud Rutten en is ein theorieles veur 25 persoéne mit koffie en vlaai. D’r kinne in totaal 11 teams meidoon.
We beginne metein nao de Groëte optoch. De offisjele äöpening steit gepland um 17.15 oor. Naeve ’t wedstriédelement hebbe we auk onder andere auk de winnende liedjes van Bliërick, waere d’r plaetjes gedreid en joekskapel Och Nae Toch is aanwezig um de sfeer te verhoége.
We verwachte de priésoétreiking rond 19.30 oor te doon. Um 19.00 oor kump as finale-act Coen Janssen oét Baolder optraeje.
HellingTrekke wuurt mei meugelik gemak door
Mier initiatieve van Blauwe Vastelaovend
SPAN
Vanaaf 2019 vindt op de vriédaag veur vastelaovend in ’t Raodhoes ’t jeugdevenement ‘SPAN, Groët-Bliërickse jeughoéghede’ plaats.
Aan de Maas
De ‘Blerickse Business Borrel Aan De Maas’ vindt op de letste vriédaag van juni plaats beej brasserie Sur Meuse. Sinds 2023.
Inzaegene
In 2022 zien we gestart mit ’t Inzaegene van optochdeilnemers en -kiekers door pastoér Rijo Muprappallil.
Doornaeve hebbe weej in 2016, veuraafgaond aan ’t BCL-Treffe, de expositie ‘Vastelaovend in Beeld‘ georganiseerd in ’t Raodhoes. En we ware initiatiefnemer van de Hap & Stap Route 77 ter gelaegeheid van ’t jubileumbeer van de Wortelepin.
Hes dich ein vraog aan stichting Blauwe Vastelaovend? Neem dan kontak op mit Sander Mattheijssen via info@blauwevastelaovend.nl
Stichting Blauwe Vastelaovend is donderdaag 17 december 2015 opgerich.